Корҳои фаҳмондадиҳӣ дар ноҳияи Деваштич

52 просмотров

Дар доираи ҳамкории Шуъбаи Хадамоти муҳоҷират дар шаҳри Исфара бо Ҷамоатҳои шаҳраку деҳот, 15 ноябр дар Ҷамоати шаҳраки Шӯроб бо иштироки зиёда аз 80 нафар муҳоҷирони меҳнатӣ ва фаъолон семинар-машварат баргузор гардид.

Мулоқот бо сухани ифтитоҳии муовини раиси ҷамоати шаҳраки Шӯроб Б. Давлатова кушода шуд. Сипас мутахассиси пешбари шӯъбаи Хадамоти муҳоҷират дар шаҳри Исфара М. Ахмедов ба иштирокчиёни чорабинӣ оид ба муҳоҷирати бехатар, омодагии пеш аз сафар, пешгирии шомилшавии ҷавонон ба ҳар гуна ҳизбу ҳаркатҳои ифротгаро ва мубориза алайҳи фурӯши одамон маълумот дод.

Мавсуф ҳамчунин оид ба қоидаҳои гирифтани патент, гузоштан ба қайди муваққатӣ, супоридани имтиҳон вобаста ба донистани забони русӣ, таърих ва асосҳои қонунгузории Федератсияи Русия, гирифтани маълумотномаи тиббӣ ва суғуртаи тиббии ихтиёрӣ суханронӣ кард.

Дар охири чорабинӣ ба саволҳои муҳоҷирони меҳнатӣ доир ба авфи муҳоҷирон посухҳои мушаххас дода шуд.

 

                                                              Шуъбаи Хадамоти муҳоҷират

                                                                               дар шаҳри Исфара